मुंबई : विधानसभा निवडणुकीची रणधुमाळी ऐन रंगत आली असून दिवाळीचा माहोल असताना मतदारसंघातील कार्यक्रमात नेते मंडळी व्यस्त आहेत. संपूर्ण राज्याचे लक्ष लागून राहिलेल्या बारामती मतदारसंघात उपमुख्यमंत्री अजित पवार यांच्या समोर घरातून आव्हान आहे. या पार्श्वभूमीवर अजित पवार सध्या मतदार संघात गाठी भेटीत व्यस्त आहेत. आपल्या मंतदारांशी संवाद साधताना त्यांनी आता लोकसभेला साहेबांना खुश केले आता मला खुश करा अशी मिश्किल टिपणणी केली आहे.
गेल्या दोन दिवसापासून अजित पवार आपल्या मतदार संघात संपर्क साधत आहेत. काल त्यांनी आपल्या समर्थकांच्या शुभेच्छा स्वीकारल्या. यानंतर आज त्यांनी भेटी वेळी लोकसभा निवडणुकीत साहेबांना खुश केले आता मला खुश करा अशी टिपणणी केली.
